Asapulo

◼ Alivulu a ka eciwa: Elombo: Embimbiliya li Longisa Nye? Akundi va likolisileko oku fetika elilongilo Liembimbiliya lomanu va tava oku tambula elivulu, kuenda vana va kuete ale elivulu liaco. Kupupu kuenda Kupemba: Ku ka eciwa Utala Wondavululi lo Despertai! Poku linga epasu komanu va lekisa onjongole, oku kongelamo vana va kala pocipito Conjivaluko, ale kolohongele vikuavo okuti ka va siatele oku endaenda kolohongele viekongelo, eca elivulu Embimbiliya li Longisa Nye? Kuata ocimãho coku fetika elilongiso Liembimbiliya velivulu liaco.

◼ Keteke Lionjivaluko yi ka lingiwa Vovali, 30 Yelombo, ka ku ka lingiwa olohongele vikuavo, pole, ku ka lingiwa lika ohongele yupange woku kunda. Keteke Lionjivaluko ku ka imbiwa ocisungo 8, kuenda 109, vielivulu liokaliye liovisungo. Nda ekongelo liene lia siata oku linga olohongele veteke ku lingiwa ocipito Conjivaluko, ohongele yene yi lingiwe veteke likuavo vosemana yaco. Poku sokiya owola yoku fetika Onjivaluko, akulu vekongelo va sukila oku nõla owola yina yecelela okuti, omanu vosi va kalapo, oku kongelamo vana va lalekiwa. Kolonepa vimue ca sunguluka okuti, ohongele yaco ka yi fetika selo kuteke waco.