Asapulo

◼ Alivulu a ka eciwa: Evambi Linene, kuenda Enyenye: Kueciwa ombrochura yi kuete 32 kamẽla ndeci: Suku Okuete Muẽle Ocikembe Letu? Nye Cipita Letu Eci Tufa? Kuenda Onjila yi Tuala Komuenyo ko Pui. Ale olombrochura vikuavo vi kasi vekongelo. Enyenye Linene: Embimbiliya li Longisa Nye? Seteka oku fetika elilongiso Liembimbiliya poku sapela lomunu onjanja ya tete.

◼ Elimi Lioku Ilaika: Tu ivaluisa okuti, ohongele yofeka yi ka lingiwila Vonjango Yolohongele ko Viana, ku ka kalavo elimi lioku ilaika. Ohongele yaco, yi ka lingiwa kateke ndeci: 9 toke 11 Yevambi Linene, kuenda 30 Yevambi Linene toke 1 Yenyenye yunyamo wo 2010.

◼ Vokuenda Kuosemana Yohongele Yofeka, ka ku lingiwa Elilongiso Liembimbiliya Vekongelo, Osikola Yupange Wakristão, kuenda Ohongele Yupange. Omo liaco, tu vetiya vamanji okuti, omunu lomunu, a kongele olonepa viaco violohongele vitatu Velilongiso Liepata.

◼ Onumbi Yonjango Yusoma: Olonjanja vimue, vamanji va tunda kolofeka vikuavo, ale kalupale a mulo vofeka, va siata oku pinga onumbi Yonjango yimue Yusoma. Omo okuti olokololo vialua viovikanjo vietu ka vi kuete olonduko, o filiale yi yongola okuti akongelo va eca etendelo liotelefone oco tu kuatise vamanji vana va sandiliya Onjango yimue Yusoma. Omo liaco, tu yongola okuti, akulu vosi vekongelo va eca etendelo limue liotelefone oco li tu kuatise.