Asapulo

◼ Alivulu a ka eciwa: Enyenye Linene: Embimbiliya li Longisa Nye? Likolisilako oku fetika elilongiso Liembimbiliya poku sapela lomunu onjanja yatete. Mbalavipembe: Utala Wondavululi lo Despertai!. Nda tu sanga omanu va lekisa onjongole kesapulo tu va kundila, tu va ĩha otratadu losapi hati, Ove hẽ o Yongola Oku Kũlĩha Ocili?, kuenda tu likolisilako oku fetika lavo elilongiso Liembimbiliya. Kuvala: Kueciwa ombrochura yi kuete 32 kamẽla, yi sangiwa vekongelo.

◼ Keteke 23 kosãi ya Kupemba yunyamo wo 2010, Vonjango Yusoma yo ko Betele mulo Vongola, mua lingiwa ocipito cocisoko 17 Cosikola Yoku Pindisa Olondingupange. Tua sanjuka calua omo okuti ci soka 24 ya vamanji, va tambula epindiso liaco vokuenda kuolosãi vivali.

◼ Vokuenda kunyamo wupange wo 2011, Vonjango Yolohongele ko Ex-Seart ko Luanda, mu ka lingiwila ohongele yilikasi kuenda yimbo, kelimi Liumbundu:

◼ Ohongele Yilikasi: ◼ Ohongele Yimbo:

01/05/11 20-21/11/10

◼ Ohundo yilikasi yi ka kuama Konjivaluko Yolofa via Yesu yunyamo wo 2011, yi ka lingiwa kosemana 25 ya Kupupu, yunyamo wo 2011. Osapi yohundo yaco yi ka sapuiwa noke. Akongelo vana va ka kuata epasu lia mitavaso ukuakunyula akongelo, ale ohongele yimbo, ale ohongele yilikasi vosemana yaco, va ka linga ohundo yilikasi kosemana yi ka kuamamo. Akongelo ka citava okuti va linga ohundo yilikasi, eci handi osemana 25 ya Kupupu ka ya pitilile.