Asapulo

◼ Alivulu a ka eciwa: Elombo: Embimbiliya li Longisa Nye? Tiamisila utima koku fetika alilongiso Embimbiliya. Kupupu kuenda Kupemba: Ku eciwe Utala Wondavululi lo Despertai!. Poku linga epasu komanu va lekisa onjongole, oku kongelamo vana va kala pocipito Conjivaluko, ale kolohongele vikuavo okuti ka va siatele oku endaenda kolohongele, likolisilako oku fetika alilongiso velivulu Embimbiliya li Longisa.

◼ Poku eca uvangi komunu o vangula elimi lio chinês, u lekisa kamẽla okalivulu Boas Novas mu sangiwa esapulo Liembimbiliya kelimi lio chinês (tradicional) (CH) kuenda o chinês (simplificado) (CHS), oco eye a nõle elimi a yongola oku tanga. Omanu valua kofeka yo Hong Kong ale ko Taiwan va sole oku tanga alivulu etu kelimi lio chinês (tradicional) (CH), osimbu okuti omanu vo kofeka yo China va sole oku tanga o chinês (simplificado) (CHS). Catiamẽla kalivulu oku tala vovideo ale oku yevelela ño, pulisa elimi omunu waco a vangula okuti liu lomboloka ciwa. Pole, omanu vo kofeka yo China kuenda yo ko Taiwan elimi lio chinês (mandarim) (CHM), olio li va lomboloka vali ciwa, osimbu okuti ko Hong Kong o chinês (cantonês) (CHC).

◼ O video losapi Testemunhas de Jeová—Organizadas Para Pregar as Boas Novas, yi ka konomuisiwa Kohongele Yupange kosãi Yenyenye. Akongelo ana okuti ka a kuete o video yaco, citava oku yi pinga selo.

◼ Tu ivaluisa akulu vekongelo oku kuama olonumbi vi sangiwa vukanda 2 Yelombo wo 2009, watiamẽla koku linga asapulo kohongele yupange. A sukila oku teta onimbu, loku vetiya vamanji oku kuata ocituwa coku kũlĩhĩsa o kuadru yasapulo. Nda citava, usongui wakulu vekongelo o sukila oku kuama ciwa upange waco, loku kapako otembo ya sokiyiwila ohongele yupange ndomo ca lekisiwa vukanda tua tukula ale.