As Maravilhas da Criação Revelam a Glória de Deus

Omanu valua, va sanjuka poku mola oviluvo. Pole, vatito va limbuka okuti oviluvo viaco vi situlula olondunge kuenda ovisimĩlo Viululiki wetu wa Velapo. (Va Rom. 1:20) Daviti wa lilongisa eci catiamẽla ku Yehova lekuatiso Liondaka Yaye. Eye wa kuatavo ukamba la Yehova poku “tala” ovina via lulikiwa. (Osa. 8:3, 4) O video losapi, As Maravilhas da Criação Revelam a Glória de Deus, yi tu kuatisa etu, lomãla vetu, lomanu tu longisa Embimbiliya oku limbuka oviluvo via Yehova, ovituwa lekalo Liululiki wetu wa Velapo, kuenda ci tu kuatisavo oku pamisa ukamba wetu laye. Noke yoku tala o video, kũlĩhĩsa nda o tẽla oku tambulula apulilo a kuãimo.

(1) Oku mola ndomo ovina via lulikiwa ca vokiya ndati olopandu viove ku Yehova? (Isa. 40:26) (2) Eci tu mola ovava volondui ci tu longisa nye catiamẽla ku Suku? (Esit. 14:7) (3) Ocinãla congongo lekumbi ci lekisa ndati olondunge via Yehova? (4) Osãi yi kuete ocimãho cipi? (Osa. 89:37) (5) Nye Yehova a linga oco omanu va kuate esanju komuenyo? (6) O DNA yi kuete esilivilo lie? (Osa. 139:16) (7) Omanu va litepa ndati lovina viosi Yehova a lulika vongongo? (Efet. 1:26) (8) Ocisimĩlo cipi o kuete ndomo oluali luokaliye lu ka kala?

Ovina Vikuavo Via Vokiyiwako: (9) Pi kua tunda avala? (10) Ovava a pitila ndati kilu lioviti? (11) Ovava a kuete esilivilo lie vetimba lietu? (12) Tukula omunga yi kasi pokati kovina via lulikiwa. (13) Ukamba upi u kasi pokati koviluvo viosi? (14) Ovikula vi kula ndati?

“Kũlĩhĩsa Ciwa” Ovopange a Yehova: Yesu wa tu vetiya hati “sokololi olonjila” kuenda “oloneleho viusenge.” (Mat. 6:26, 28) Poku ci linga ci tu pamisa kuenda ci vokiya ekolelo lietu Kululiki loku sanjukila olondunge via Yehova, unene waye kuenda ocisola. Omo liaco, ku ka pesile otembo kovina violuali lulo, pole pesila otembo longusu yove koku sokolola oviluvo vi komõhisa via Yehova kuenda sokolola eci vi situlula catiamẽla ku Suku yetu.—Osa. 19:1.