Os Jovens Perguntam—O Que Fazer da Minha Vida? (Onepa 1)
Osimbu amalẽhe va kasi oku kula, va sukila oku nõla ciwa onjila va yongola oku kuama. Ovideo losapi hati, Os Jovens Perguntam—O Que Fazer da Minha Vida?, ya pangiwila oku kuatisa amalẽhe. Oco o tale o DVD, yulula olumbutãu lua linga hati, Iniciar o Drama kuenje kũlĩhĩsa nda o pondola oku eca atambulula kapulilo a sangiwa kocinimbu 2. Noke yoku nõla onepa ya linga hati, Entrevistas vo DVD yaco, kũlĩhĩsa onepa ya linga hati, Relembrando kuenje kũlĩhĩsa nda o pondola oku tambulula apulilo a sangiwa kocinimbu 3.
Drama: (1) Volonepa vipi ekalo lia Timoteo li sokisiwa leli liamalẽhe valua koloneke vilo? (2) André wa vetiyiwa ndati oku litumbika kolomapalo vioku lupuka? (3) Ovina vipi Manji Fleissig a sapuila André viatiamẽla (a) koku litumbika ku Yehova okuti, via velelepo olomapalo? (Mat. 6:24) (b) koku kuata esanju liocili? (c) ketiyela a tunda lalio kocila cekangiso? (d) komanu va kasi velitalatu kuenda kukãi waye? (e) kocimãho caye okuti ka vio vetiyile oku livela? (Va Fil. 3:8) (4) Inakulu ya André wo tambulula ndati epulilo a linga liokuti “Cĩvi hẽ oku kuata ekemãlo kolomapalo vioku lupuka?” (Luka 4:5-7) (5) Anga hẽ oku kuata ekemãlo nda ca nena esanju liocili ku André? (6) Ovina vipi wa sola viatiamẽla kukanda Manji Fleissig a sonehela André? (7) Manji Fleissig wa kuatisa André oku limbuka nye?
Relembrando: (8) Ovimãho vipi vamanji alume lakãi va sandiliya oku kuata kosimbu, kuenda momo lie? (9) Asumũlũho api eyililako? (10) Nye ca va vetiya oku pongolola ovimãho viavo? (2 Va Kor. 5:15) (11) Ovopange api Usoma okuti a piñanya ovimãho va kuatele, kuenda momo lie va simĩla okuti ka va pondola oku litumbika kovopange avali? (12) Anga hẽ va livela omo lioku pongolola omuenyo wavo poku tiamisila utima kupange wa Suku? (13) Ovina vipi va popia via ku vetiya oku sokolola ovimãho o sukila oku kuata komuenyo wove?
Tala onepa yikuavo kuenda lipongiya oco o ka ece atambululo Kohongele Yupange kosemana yiya.