Asapulo

◼ Elombo kuenda Kupupu: Utala Wondavululi lo Despertai!. Poku linga apasu eca elivulu Embimbiliya li Longisa Nye, ale vimue pokati kolobrochura evi: Yevelela Suku, kuenda Yevelela Suku Kuenje Kala Otembo ka yi Pui, oco o fetike oku u longisa Embimbiliya. Kupemba kuenda Evambi: Akundi citava oku eca otratado Ove hẽ o Yongola oku Kũlĩha Ocili? Poku tiukila oku pasuisa omunu wa lekisa onjongole, u lekisa ndomo elilongiso velivulu Embimbiliya li Longisa Nye li lingiwa. ale eca kokuaye olobrochura evi: Yevelela Suku, kuenda Yevelela Suku Kuenje Kala Otembo ka yi Pui.

◼ Esapulo Lia Tiamẽla Konjivaluko: Akongelo ana a kuete onumbi yetu yo Internet, jw.org, eci va malusula ocipito Conjivaluko va tumise lonjanga esapulo lietendelo liomanu va kalako. Akongelo akuavo citava oku soneha esapulo liavo vo formulariu S-7 kuenda oku yi tumisa kofiliale. Akongelo ana a sangiwa valupale akuavo citava oku telefonalela kofiliale (ciwa okuti va ci linga vokuenda kueteke kowola yupange.)

◼ Onjivaluko yi ka lingiwa Vovali keteke 26 Yelombo wo 2013. Nda okuti ekongelo liene lia siata oku linga olohongele Vovali, Vonjango Yusoma, citava okuti yi lingiwa keteke likuavo liosemana nda cecelela. Nda vu nõlipo okuti Ohongele Yupange ka yi lingiwa, ocimunga cakulu vekongelo ci sukila oku linga esokiyo okuti, olonepa vimue vi sukiliwa vekongelo, vi lingiwa kolohongele vikuavo vosãi. Akongelo ana a kasi oku nyuliwa la mitavaso, a sukila oku pongolola ohongele yavo ya siata oku Lingiwa Vovali koñolosi okuti yi lingiwa keteke likuavo.