Asapulo

◼ Kupemba kuenda Evambi: Akundi citava oku eca olotratadu evi: Ohali Yosi Ndopo yi Pua, Anga hẽ o Yongola Oku Kũlĩha Ocili? kuenda Helie Muẽle o Viala Oluali? Nda omunu wa lekisa onjongole, lekisa ndomo elilongiso Liembimbiliya li lingiwa lekuatiso lielivulu Embimbiliya li Longisa Nye?,. Evambi Linene kuenda Enyenye: Olondaka Viwa vi Tunda ku Suku! kuenda viosi vi kuete 32 kamẽla ndeci: Yevelela Suku, ale Yevelela Suku Kuenje Kala Otembo ka yi Pui

◼ Onumbi yetu yo jw.org: Ci pitahãla 800 kakongelo vofeka va kuete ale atendelo avo vonumbi yetu yo jw.org! Akulu vekongelo va sukila oku tala olonjanja vialua nda va tambula ovikanda viokaliye poku kũlĩhĩsa ponepa ya linga hati: Caixa de Entrada da congregação. Akongelo ana a kuete lika etendelo limosi va tume ulandu wupange woku kunda vonumbi yo jw.org, kuenda ka ci ka lingiwe lolonjila vikuavo

◼ Keteke 3 Yelombo wo 2013, kua malusuiwa ocisoko catete Cosikola Yembimbiliya ya Vamanji Alume ka va Kuelele Vongola. 24 ya vamanji va pindisiwa kosikola yaco oco va kuatise oku kuli esukila lialua

◼ Oku upisa kosemana 3 Yevambi wo 2013, Obrochura Onjila Yituala Komuenyo Kopui wa Yisanga Ale? yi ka kuamiwa kelilongiso Liembimbiliya vekongelo. Omo vociseleko cofiliale ka muli ombrochura yaco, akundi va sukila oku lilongiso lolombrochura va tambula ale osimbu