‘Ande Pela fé, Não Pela Vista’
Osimbu o Yerusalãi ka ya nũaliwile ocingoja kuenda ka ya kunduiwile, upostolo Paulu wa soneha okuti Akristão omo okuti asualali awa va Kristu, va laikele oku tala ohali kuenda va sukilile oku yuvula oku likolela ovo muẽle. (2 Tim. 2:3, 4) Omo okuti tu kasi oku liyaka lovitangi violuali lulo, tu sukila oku pamisa ekolelo lietu oco tu amameko oku pitisa kovaso upange wa Yehova. (2 Va Kor. 4:18; 5:7) Tala ovideo losapi hati: ‘Ande Pela fé, Não Pela Vista.’ (Yi sangiwa vonumbi jw.org, vosapi ALIVULU > OLOVIDEO.) Kũlĩhĩsa ndomo Nahama kuenda Abitala va yapuisiwa omo lioku pitisa kovaso ovokuasi. Omo liaco, konomuisa apulilo akuãimo.
(1) Kocita catete, nye ca lombolokele “ocinyuañi cevĩho . . . ci tãi vocitumalo ci kola” kuenda Akristão va kala ko Yerusalãi nye va sukilile oku linga? (Mat. 24:15, 16) (2) Momo lie osimbu ka va tundile volupale va sukililile oku kuata ekolelo? (3) Alikolisilo api a kongeliwile voku tila kuaco? (4) Momo lie Nahama la Abitala va ciluila? (Mat. 24:17, 18) (5) Oseteko yipi yikuavo Rahele a liyaka layo eci a tunda ko Yerusalãi? (Mat. 10:34-37; Mar. 10:29, 30) (6) Etani wa lekisa ndati ongangu yiwa yoku kolela ku Yehova? (7) Ovitangi vipi Akristão va liyaka lavio eci va kala ko Pela? (8) Ekolelo lia Nahama la Abitala lieya oku tepuluka ndati? (9) Yehova wa kuatisa ndati Akristão va kala ko Pela? (Mat. 6:33; 1 Tim. 6:6-8) (10) Tu setukula ndati ongangu ya Avirahama la Sara osimbu esulilo lioluali lulo li kasi ocipepi? (Va Hev. 11:8-10) (11) Nahama la Abitala va nõlapo ndati oku tiukila ko Yerusalãi kuenda momo lie ocisimĩlo caco ca kalela cuveke? (Luka 21:21) (12) Omuenyo ko Yerusalãi wa kala ndati eci Nahama la Abitala va tiuka? (13) Momo lie tu sukilila oku pamisa ekolelo lietu cilo osimbu esulilo lioluali lulo ka lieyile? —Luka 17:31, 32; 21:34-36.
Oku enda lekolelo ci lomboloka (1) oku kolela kolonumbi via Yehova, (2) oku ecelela okuti olonumbi viaye vi tu songuila, kuenda (3) oku lekisa okuti tua velisapo upange wa Yehova okuti ovokuasi ci sule. Omo okuti tua nõlapo oku endela vekolelo, tua kolela okuti, “Oluali lu takata loñeyi yaluo, puãi u o lingainga ocipango ca Suku o kala oloneke ka vi pui.”—1 Yoa. 2:17.