“Ame Ulo, va Nume Ño!”

Ca sunguluka oku setukula ongangu ya Isaya yoku lekisa ombili. Eye wa lekisa ekolelo kuenda wa tava lonjanga upange a sukilile oku linga ndaño ka kũlĩhĩle ovina vikuavo via kongelelemo. (Isa. 6:8) O pondola hẽ oku linga apongoloko amue kesokiyo liove oco o ka kundile kuna kuli esukila liakundi Vusoma? (Osa. 110:3) Ocili okuti, osimbu kua ilukile, o sukila oku “tumãla tete.” (Luka 14:27, 28) Omo liaco, likolisilako oku lekisa ombili kupange woku kunda. (Mat. 8:20; Mar. 10:28-30) Ovideo losapi hati: Ovo va Ilukila Kuna Kuli Esukila Liakundi, yi lekisa okuti asumũlũho tu tambula ku Yehova a velapo, okuti alikolisilo etu a sule.

NOKE YOKU TALA OVIDEO, TAMBULULA APULILO A KUÃIMO NDECI:

• Alikolisilo api epata lia manji Williams lia linga oco va ilukile ko Ekuador?

• Ovina vipi va konomuisa eci va nõla oku va ka kundila?

• Asumũlũho api va tambula?

• Pi tu pondola oku sanga olonumbi vikuavo viatiamẽla koku kundila kuna kuli esukila liakundi Vusoma?

VOKUENDA KUEFENDELO LIEPATA VU KA LINGA, KONOMUISI APULILO A KUÃIMO:

• Tu vokiya ndati upange wetu woku kunda vepata lietu? (km 8/11 4-6)

• Nda ka tu pondola oku ka kundila kuna kuli esukila liakundi Vusoma, olonjila vipi tu kuama oco tu kuatise ekongelo lietu? (w16.03 kem. 3-5)