EKALO LIAKRISTÃO
Ovituwa Viwa Kuenda Esumbilo vi Vetiya Ovitima
Akãi Akristão va kuatisa alume vavo okuti Hakristãoko oku kũlĩha ocili omo liovituwa viavo viwa. Pole, citava okuti va sukila oku pandikisa vokuenda kuanyamo alua. (1 Pet. 2:21-23; 3:1, 2) Nda okuti o kasi oku tatiwa lekambo liesunga, amamako oku yula cĩvi leci ciwa. (Va Rom. 12:21) Ovituwa viwa o lekisa, vi pondola oku nena onima yiwa okuti ovina o popia vi sule.
Kapako ovisimĩlo viohueli yove. (Va Fil. 2:3, 4) Lekisa umbombe kuenda ocikembe loku tẽlisa ciwa ovikele viove. Kuata ocituwa coku yevelela. (Tia. 1:19) Kala ukuepandi kuenda lekisa kohueli yove okuti u sole. Ndaño okuti ohueli yove ka yi lekisa ohenda kuenda esumbilo kokuove, kolela okuti Yehova wa kapako alikolisilo ove.—1 Pet. 2:19, 20.
TALA OVIDEO LOSAPI HATI: YEHOVA WA TU KUATISA OKU AMBATA OCILEMO CETU KUENDA TAMBULULA APULILO AKUÃIMO:
Omuenyo wa manji Grace Li wa kala ndati kefetikilo liolohuela viaye?
Nye co vetiya oku lilongisa Embimbiliya?
Manji Li wa pandikisa ndati kovitangi noke yoku papatisiwa?
Nye Manji Li a pinga vohutililo a linga?
Asumũlũho api manji Li a kuete omo lioku lekisa ovituwa viwa kuenda esumbilo?
Ovituwa viwa kuenda esumbilo vi kuete unene!