Eyovo Kovaso Yoloneke—Pandula Suku Kuenda Kristu

Ovina vipi wa siata oku liyaka lavio eteke lete- ke? Ove hẽ usongui wepata okuti o kasi oku likolisilako oku tẽlisa ovikele vialua? Ove hẽ unjali yimue o kasi oku tekula epata lika liove? Anga hẽ umalẽhe umue okuti o kasi oku lambalaliwa lakamba vove kosikola? Anga hẽ o kasi oku liyaka locitangi cuhayele, ale coku kuka? Vosi yetu tu kasi oku liyaka lovitangi vimue. Akristão vamue va siata oku liyaka lovitangi vialua vonjanja yimuamue. Tua kũlĩha okuti ndopo tu ka yovuiwa kovitangi viosi.—2 Va Kor. 4:16-18.

Pole, tu lembelekiwa calua oku kũlĩha okuti, Yehova o lete ovitangi viosi tu pita lavio, o sanjukila ekolelo lietu kuenda epandi kuenje o ka tu sumũlũisa calua. (Yer. 29:11, 12) Yesu wa tu kapakovo. Osimbu tu tẽlisa ocikundi tu kuete Ndakristão, tu kolela kohuminyo ya Yesu yokuti: “Ñasi kumue lene.” (Mat. 28:20) Eci tu sokolola keyovo li laika oku iya kovaso yoloneke vemehi Liusoma wa Suku, tu pamisa elavoko lietu, loku amamako oku pandikisa kovitangi tu liyaka lavio.—Va Rom. 8:19-21.

TALA OVIDEO LOSAPI HATI, OSIMBU ESULILO LI KASI OCIPEPI AMAMAKO OKU TIAMISILA UTIMA WOVE KU YESU!—ASUMULŨHO USOMA O LAVOKA KOVASO YOLONEKE, KUENDA NOKE TAMBULULA APULILO AKUÃIMO:

• Omanu va litepa ndati ku Suku kuenda nye ceyililako?

• Vana va kolela Yehova asumũlũho api va lavoka?

• Elavoko liaco li komõhisa li ka tẽlisiwa ndati?

• Anga hẽ ove o pondola oku limbuka asumũlũho oluali luokaliye?