29 YA KUPUPU–5 YA KUPEMBA
OLOSAMO 34-35
Ocisungo 10 Lohutililo | Olondaka Vioku Fetika (Ekuk. 1)
1. “Sivayi Yehova Otembo Yosi”
(Akuk. 10)
Daviti wa sivaya Yehova ndaño muẽle ceci a kala oku liyaka lovitangi vialua (Os 34:1; w1/3/2007 kem. 25 ocin. 11)
Daviti wa sivaya Yehova okuti, eye muẽle hayeko (Os 34:2-4; w1/3/2007 kem. 26 ocin. 13)
Onjila ndomo Daviti a sivaya Yehova, ya pamisa vana va kala laye (Os 34:5; w1/3/2007 kem. 23 ocin. 15)
Daviti noke yoku siapo Avimeleke, alume va soka 400 vana ka va sanjukilile uviali wa Soma Saulu, va likongela kokuaye vekalasoko. (1Sa 22:1, 2) Citava okuti, Daviti wa kala oku sokolola kalume vaco eci a soneha osamo eyi.—Os 34, olondaka viatete.
LIPULA NDOCO, ‘Ndi lekisa ndati okuti ndi kasi oku sivaya Yehova poku sapela lomunu wa tumãla ocipepi lame kohongele?’
2. Ovina vi Sangiwa Vembimbiliya
(Akuk. 10)
Os 35:19—Olondaka via Daviti viokuti oku piakola ovaso ndocindekaise coku pembula, vi lomboloka nye? (w1/6/2006 kem. 31 ocin. 2)
Atosi api wa sanga voku tangiwa Kuembimbiliya vosemana yilo o yongola oku tu sapuilako?
3. Oku Tangiwa Kuembimbiliya
(Akuk. 4) Os 34:1-22—(Oku Longisa, etendelo 5)
4. Oku Fetika Ombangulo
(Akuk. 2) UVANGI KA WA SOKIYIWILE. Ombangulo yi sulila osimbu kua ecele uvangi. (Sola Omanu, ocipama 1 etosi 4)
5. Amamako Oku Vetiya Onjongole
(Akuk. 4) UVANGI KA WA SOKIYIWILE. (Sola Omanu, ocipama 2 etosi 4)
6. Lombolola Ovina wa Siata Oku Lilongisa
(Akuk. 5) Ocindekaise. ijwfq ocip. 59—Osapi: Olombangi Via Yehova vi Nõla Ndati Nda vi Linga Ovipito Ateke Owusa Ale Sio? (Oku Longisa, etendelo 17)
Ocisungo 59
7. Olonjila Vitatu Vioku Sivaya Yehova Kolohongele
(Akuk. 15) Ohundo lapulilo amue kolonjeveleli.
Olohongele, vi eca epuluvi liwa lioku sivaya Yehova. Kuli olonjila vitatu vioku ci linga.
Kolombangulo: Oku sapela eci catiamẽla kuwa wa Yehova, eci tu kasi la vakuetu. (Os 145:1, 7) Anga hẽ, ove wa yeva, ale wa tanga etosi limue lia ku kuatisa calua? Anga hẽ, ove o kuete ulandu umue uwa kupange woku kunda? Anga hẽ, umue wa ku pandiya omo liolondaka ale ovilinga viove? Wa mola hẽ ociluvo cimue okuti, ca ku komõhĩsa calua? Ovina viosi evi, ombanjaile yimue ya tunda ku Yehova. (Tia 1:17) Pitĩla selo kolohongele oco o kuate otembo yoku sapele la vakuene.
Atambululo: Likolisilako oku eca etambululo kohongele lohongele. (Os 26:12) Citava okuti eca etambululo limue lia teta onimbu, ale oku lombolola ocinimbu cimue Cembimbiliya, elitalatu kuenda ndomo li kapiwako. Omo okuti valua va ka votola ovaka, pongiya atambululo alua. Ove o ka tẽla oku “eca ocilumba ceca esivayo ku Suku,” nda atambululo etu a linga lika 30 kolosengundu ale ceci ka ci pitahãla olosengundu viaco.—Hev 13:15.
Ovisungo: Imba ovisungo Viusoma lesanju. (Os 147:1) Citava okuti eci o votola eka oco o tambulule kolohongele viosi, ka va ku ilika ca piãla enene nda ekongelo liaco linene, pole, ove olonjanja viosi o likongela ku vamanji oco imbe ovisungo. Ndaño o sima okuti ku tẽla oku imba ciwa, nda wa likolisilako o pondola oku sanjuisa Yehova! (2Ko 8:12) O pondola oku ci linga poku pongiya ovisungo konjo.
Lekisa OVIDEO losapi Ulandu Wetu u Kasi Oku Amamako—Ombanjaile Yovisungo, Onepa 1. Noke pulisa ndoco kolonjeveleli:
Tunde eci ocisoko cetu ca fetika, tua siata oku lekisa ndati okuti oku imbila Yehova ovisungo ci kuete esilivilo lialua?
8. Elilongiso Liembimbiliya Vekongelo
(Akuk. 30) Eca Uvangi, ocip. 9 ocin. 1-7, olondaka vioku fetika onepa 3 kuenda okakasia kem. 70