27 YA KUPEMBA–2 YEVAMBI
OLOSAMO 42-44
Ocisungo 86 Lohutililo | Olondaka Vioku Fetika (Ekuk. 1)
1. Kuatisiwa Lolonumbi vi Tunda ku Yehova
(Akuk. 10)
Kuata ocituwa coku fendela Yehova kumue lomanu vakuavo poku enda enda kolohongele (Os 42:4, 5; w1/7/2006 kem. 9 ocin. 4)
Likutilila osimbu kua fetikile oku lilongisa Ondaka ya Suku (Os 42:8; w15/1/2012 kem. 15 ocin. 2)
Ecelela okuti ocili Cembimbiliya, ci songuila olonepa viosi viomuenyo wove (Os 43:3)
Epindiso li tunda ku Suku, li tu kuatisa oku liyaka loloseteko kuenda oku tẽlisa ohuminyo yetu yoku fendela Yehova otembo ka yi pui.—1Pe 5:10; w16.09 kem. 6 ocin. 11-12.
2. Ovina vi Sangiwa Vembimbiliya
(Akuk. 10)
Os 44:19—Olondaka viokuti, “apa olombua viovusenge via tunga” vi lomboloka nye? (Perspicaz-1 kem. 497)
Atosi api wa sanga voku tangiwa Kuembimbiliya vosemana yilo o yongola oku tu sapuilako?
3. Oku Tangiwa Kuembimbiliya
(Akuk. 4) Os 44:1-26 (Oku Longisa, etendelo 11)
4. Oku Fetika Ombangulo
(Akuk. 4) KONJO LANJO. Fetika oku longisa Embimbiliya. (Sola Omanu, ocipama 5 etosi 5)
5. Amamako Oku Vetiya Onjongole
(Akuk. 5) KONJO LANJO. Laleka omunu wa sanga oco a ka yevelele ohundo yowiñi yi ka lingiwa vosemana yaco. Tukula kuenda lombolola ovideo losapi, Nye ci Lingiwa Vonjango Yusoma? (Sola Omanu, ocipama 7 etosi 5)
6. Ohundo
(Akuk. 3) Sola Omanu, alomboluilo A etosi 4—Osapi: Omanu Vosi va ka Kuata Uhayele wa li Pua. (Oku Longisa, etendelo 2)
Ocisungo 21
7. Lekisa Olondunge Poku Nõla Upange Kuenda Elilongiso
(Akuk. 15) Ohundo lapulilo amue kolonjeveleli.
Ene amalẽhe, anga hẽ vu kasi oku sokolola ovina vu ka linga eci vu ka malusula elilongiso lia pita pokati? Pamue wa sokolola ale upange umue o ka linga, u ka ku kuatisa oku kala ukundi wotembo yosi. Ale pamue, o kasi oku sokolola oku linga epindiso limue li ka ku kuatisa oku kuata uloño ale, ocicapa cimue ci ka ku kuatisa oku sanga upange waco. Ocili okuti, eli epuluvi limue li komõhisa komuenyo wove! Pole, pamue kua kũlĩhĩle eci o ka linga omo okuti, kuli ovina vialua o pondola oku nõla ale, o kasi oku kisikiwa oku nõla onjila yimue oco o sanjuise vakuene. Nye ci ka ku kuatisa oku nõla olonjila viwa?
Tanga Mateo 6:32, 33. Noke pulisa ndoco kolonjeveleli:
Momo lie ci kuetele esilivilo oku sokolola kovimãho viespiritu osimbu kua nõlele olonjila vi kuete esilivilo viatiamẽla kupange kuenda kelilongiso?
Olonjali vi kuatisa ndati omãla vavo oku kapako onumbi yi sangiwa kelivulu lia Mateo 6:32, 33?—Os 78:4-7
Kuata utate oco ku ka ecelele okuti, onjongole yoku kolela kovokuasi yi songuila olonjila o nõla. (1Yo 2:15, 17) Ivailuka okuti, oku kuata olombongo vialua ci pondola oku tateka omunu umue oku tava esapulo Liusoma. (Luk 18:24-27) Nda omunu umue o kasi oku talavaya calua oco a kale ohuasi, ka ci ka leluka kokuaye oku kuata ekolelo limue lia pama kuenda oku tiamisila utima koku sanjuisa Yehova.—Mat 6:24; Mar 8:36.
Lekisa OVIDEO losapi Lunguka ku ka Kolele Kovina Vi Pua!—Ovokuasi. Noke pulisa ndoco kolonjeveleli:
Elivulu Liolosapo 23:4, 5, li kuatisa ndati oku lekisa olondunge kolonjila o nõla?
8. Elilongiso Liembimbiliya Vekongelo
(Akuk. 30) Eca Uvangi, ocip. 10 ocin. 5-12