Ovitangi Viatiamẽla Kekalo Liotembo—Ceci Usoma wa Suku u ka Linga

Ovitangi viatiamẽla kekalo liotembo, vi kasi oku koka esakalalo lialua komanu, valupale kuenda kovina viosi vi kasi lomuenyo. Ombela yalua, yi kasi oku kokiwa lepongoloko liekalo liotembo, yi kasi oku nyõla olonjo kuenda ovina vi kuatisa oku kala lomuenyo voluali luosi. Omuenyo vioviluvo viovokalunga vi kasi kohele momo, vokalunga mua tokota calua kuenda citava okuti ovio ka vi ka amamako lomuenyo.”—Inger Anderse, oñuatisi yo Nacões Unidas kuenda usongui Wocipama ci Lingiwa vo Nacões Unidas Catiamẽla Kekalo Liotembo, 25 Yevambi Linene, 2023.

Anga hẽ, olombiali vi ka tẽla oku likongela oco va tetulule ovitangi viaco viatiamẽla kekalo liotembo? Ova va tẽla hẽ oku tetulula ovitangi viaco, otembo ka yi pui?

Embimbiliya li popia eci catiamẽla kuviali umue u pondola, hawo u ka tetulula ovitangi viosi viatiamẽla kelalo liotembo wa siata palo posi. Olio li popia okuti, “Suku yo kilu o ka tumbika usoma umue” okuti, uviali umue u ka tetulula ovitangi viosi via siata palo posi. (Daniele 2:44) Vemẽhi liuviali waco, omanu ka va ka “linga cimue cĩvi ale oku nyõla” omanu vakuavo ale ongongo.—Isaya 11:9.