Onepa 5

Tunde Kumandekua ko Bavulono Toke Koku Tumbuluiwa Kuovimbaka Vio Yerusalãi

Eci va Isareli va kala kumandekua ko Bavulono, va lipita lovitangi vialua via setekele ekolelo liavo. Sadrake Mesake la Aved-Nego va imbiwile velungulungu liondalu, pole Suku wa va popela. Noke, eci va Media la va Persia va tambula o Bavulono, Daniele wa imbiwile veleva liolohosi, pole Suku wo teyuilavo poku sitika ovimẽla violohosi.

Noke Kuro Soma ya va Persia wa yovola va Isareli. Ovo va tiukila kofeka yavo eci papita 70 kanyamo tunde eci va ambatiwile kumandekua ko Bavulono. Ocina catete ovo va linga eci va pitĩla ko Yerusalãi oku tumbulula onembele ya Yehova. Pole, ovanyali va tateka upange wavo woku tunga onembele. Tunde eci va Isareli va pitĩla ko Yerusalãi toke eci veya oku malusula oku tunga onembele, papita eci ci soka 22 kanyamo.

Noke tuka lilongisa eci catiamẽla kungende Esera a linga woku tiukila ko Yerusalãi koku ka posuisa onembele. Ungende waco wa lingiwa eci pa pita 47 kanyamo noke yoku tungiwa kuonembele. Eci pa pita 13 kanyamo tunde eci Esera a linga ungende waye, Nehemiya wo kuatisa kupange woku tumbulula ovimbaka vio Yerusalãi. Onepa YATÃLO yika lombolola ulandu weci ci soka 152 kanyamo.