Olondaka Vioku Fetika Onepa 11

Onepa eyi yi lombolola ovolandu atiamẽla Kovisonehua vio Helasi. Yesu wa citiwa vepata limue liolohukũi okuti va kala volupale lumue lutito. Eye wa talavaya la isiaye, una wa kala kalupindelu. Yesu eye lika wa ponduile oku popela omanu. Omo liaco, Yehova wo nõla oco a kale Osoma Yusoma wo kilu. Nda ove unjali, kuatisa omõlove oco a limbuke ndomo Yehova a nõla lutate epata kuenda ekalo Yesu a ponduile oku kulila. Lombolola ndomo Yehova a teyuila Yesu eci Herode a yonguile oku u ponda kuenda lombololavo okuti lacimue ci pondola oku tateka ocipango ca Yehova. Tu lilongisavo ndomo Yehova a nõla Yoano oco a pongiye onjila ya Yesu. Lombolola ndomo Yesu a lekisa okuti ndaño wa kala umalẽhe, pole, eye wa solele olondunge via Yehova.