Olonumbi Kuava va ka Kala Kohongele Yofeka

VAMANJI OLONJILIKI Vamanji olonjiliki va nõliwila oku ku kuatisa. Omo liaco, leluisa upange wavo poku pokola kolonumbi viavo viatiamẽla koku yeka oviendelo, koku lavulula owiñi, koku vala olomangu kuenda kovina vikuavo.

EPAPATISO Ku lingiwe esokiyo liokuti, olomangu viava va ka papatisiwa vi kala kovaso yembumbua nda ka kuli onumbi yikuavo. Osimbu ohundo yepapatiso ka ya fetikile, vana va ka papatisiwa va sukila oku kala pocitumãlo ca va sokiyiwila, Casapalo komẽle. Omunu lomunu a nene uwalo woku yua wa sunguluka kuenda etuaya.

OLOMBANJAILE Kua siata oku pesiwa olombongo vialua oco ku angiliyiwe olomangu vi tẽla, anguena oku yevalisa ovileñi, olovideo kuenda ovopange akuavo a ecelela okuti, omanu va yevelela ciwa ulandu wohongele yofeka oco tu kuate ukamba wa pama la Yehova. Omo liaco, olombanjaile viene vi kuatisa oku feta ovina viaco kuenda upange woku kunda u kasi oku lingiwa voluali luosi. Nda o yongola oku eca ombanjaile yimue, kuli olokasia vioku kapa olombanjaile, vi sangiwa vocitumãlo cilo Cohongele. O pondolavo oku eca olombanjaile poku iñila vonumbi donate.jw.org Tu eca olopandu kolombanjaile viosi wa siati oku eca. Osungu Yolombangi Via Yehova, yeca olopandu omo liocali wa siati oku lekisa koku kuatisa upange Wusoma.

OKU SAKUIWA KUONJANGA Ivaluka okuti, ku sakuiwa lika ovina vionjanga.

OVINA VIA NYELELA LEVI VIA NÕLIWA Ovina viosi via nõliwa, vi tualiwe Koseketa Yovina Via Nyelela Levi Via Nõliwa. Nda wa nyelisa cimue, kuende Koseketa yaco, oco o limbuke ocina cove. Omãla vosi va nyelela, citava oku va sandiliya Koseketa yaco. Omo liaco, oco ku yuvuiwe ovitangi viaco, tati ciwa omãla vene kuenda va kale ocipepi lene

OLOMANGU Lekisa esumbilo ku vakuene. Ivaluka okuti, citava lika oku selekela olomangu vana wendeli kumosi vekãlu kuenda vakuepata liove, ale olondonge viove Viembimbiliya. Ku ka kape ovikuata kolomangu vi kasi ponẽle yove.

UPANGE WOKU LIECA OLUMUE Nda o yongola oku eca ekuatiso liove kupange watiamẽla kohongele yofeka, kuende Koseketa Yupange Woku Lieca Olumue.