APULILO EMBIMBILIYA A TAMBULUIWA
Volohuela mu kala ndati esanju?
Alungulo Embimbiliya a kuatisa olohueli oku kuata esanju momo a tunda ku Yehova Suku Usovoli wolohuela. Alungulo aco a tu kuatisa oku kuata ovituwa vi nena esanju volohuela kuenda oku yuvula ovituwa vi nyola olowela. A tu kuatisavo oku kuata ocituwa coku sapela okuti ci vokiya esanju volohuela.—Tanga Va Kolosai 3:8-10, 12-14.
Ulume lukãi waye va sukila oku lisumbila pokati. Nda kavali kavo va kapako olonumbi via Suku viatiamẽla kolohuela va kuata esanju.—Tanga Va Kolosai 3:18, 19.
Nye ci kuatisa olohuela oku amamako?
Olohueli vi kala lika pamosi nda vi li sole. Suku o tu longisa ndomo tu pondola oku lekisa ocisola. Eye kumue lomõlaye Yesu, ovo ongangu yiwa yoku lekisa ocisola cocili.—Tanga 1 Yoano 4:7, 8, 19.
Nda ulume lukãi waye va sumbila eliangiliyo liolohuela Suku a linga, ci va kuatisa oku kala pamosi. Suku wa sokiya olohuela okuti ulume lukãi vamamako oku kala pamosi okuti, epata liavo likolapo. Olohuela vi pondola oku amamako momo Suku wa lulika ulume lukãi oco va li kuatise pokati loku tẽlisa olonjongole viavo. Eye wa va lululika lesetãhalo liaye kuenda epondolo lioku setukula ocisola caye.—Tanga Efetikilo 1:27; 2:18, 24.