APULILO EMBIMBILIYA A TAMBULUIWA
Momo lie tu sukilila oku likutilila?
Yehova Suku o yongola okuti olonjanja viosi tu lianja poku sapela laye catiamẽla kasakalalo etu. (Luka 18:1-7) O tu yevelela momo wa tu kapako. Omo okuti Isietu wokilu o tu laleka oku likutilila, momo lie ka tu tavela kelaleko liaye?—Tanga Va Filipoi 4:6.
Oku likutilila kaku lomboloka lika oku pinga ekuatiso. Pole, oku likutilila ku tu kuatisa oku amẽla ku Suku. (Osamo 8:3, 4) Olonjanja viosi tu situlula ovisimĩlo vietu ku Suku, ukamba wetu laye u li vokiya.—Tanga Tiago 4:8.
Tu likutilila ndati?
Eci tu likutilila, Suku ka yongola okuti tu patekela olondaka ale oku pitulula olohutililo. Ka ku kuli onumbi yi lekisa ndomo omunu a kala poku likutilila. Yehova o tu laleka oku likutilila lutima wosi. (Mateo 6:7) Ukãi umue o tukuiwa hati Hana, ko Isareli yosimbu, poku likutilila wa tukula ocitangi cimue ca kala vepata. Noke, eci esumuo liaye lia pongoloka esanju, wa eca olopandu ku Suku poku likutilila lutima wosi.—Tanga 1 Samuele 1:10, 12, 13, 26, 27; 2:1.
Tu kuete esumuluho li komohisa! Tu pondola oku situlula asakalalo etu ku Luliki wetu. Tu pondolavo oku u sivaya kuenda oku u pandula omo liovina a siata oku tu lingila. Omo liaco, tua amamiko oku sanjukila esumũluho tu kuete.—Tanga Osamo 145:14-16.