Nye Embimbiliya Li Popia?
Suku o tambulula hẽ olohutililo viosi?
O PONDOLA OKU POPIA OKUTI EYE O TAMBULULA OLOHUTILILO . . .
Viomanu vosi
Viomanu vamue ño
Ka tambulula layimue
CECI EMBIMBILIYA LI POPIA
“Yehova o kasi ocipepi la vosi . . . vo vilikiya ocili.”—Osamo 145:18.
OVINA VIKUAVO TU PONDOLA OKU LILONGISA VEMBIMBILIYA
Suku ka yevi olohutililo viomanu ka va pokola kokuaye. (Isaya 1:15) Pole, ovo va pondola oku ‘lisunguluisa’ laye poku pongolola ekalo liomuenyo wavo.—Isaya 1:18.
Suku oco a tambulule ohutilililo yimue, oyo yi sukila oku likuata lolonumbi viaye vi sangiwa Vembimbiliya.—1 Yoano 5:14.
Wa siata oku kala ndati poku likutilila?
OMANU VAMUE VA POPIA hati, olonjanja viosi vakekama kolongolo, va nyoñamako, ale va pungika ovoko poku likutilila. Nye o sima?
CECI EMBIMBILIYA LI POPIA
Suku o tava olohutililo viomanu vana okuti, “va tumala,” “vatãi,” kuenda vana “vakekama kolongolo.” (1 Asapulo 17:16; 2 Asapulo 30:27; Esera 10:1; Ovilinga 9:40) Eye ka tukuile ndomo tu kala poku likutilila.
OVINA VIKUAVO TU PONDOLA OKU LILONGISA VEMBIMBILIYA?
Suku o yevelela ambombe.—Osamo 138:6.
Poku likutilila o pondola oku katula ondaka ale oku loñola.—2 Asapulo 6:32, 33; Nehemiya 2:1-6.