Anga hẽ Nda Loñoloha Koku Kunda?
1. Momo lie tu sukilila oku yuvula ovisimĩlo viokuti ka tua loñolohele koku kunda?
1 Nda eteke limue wa lipulile ale ndoco, kuka sumue! Olondunge vietu kuenda elilongiso lio kosikola, havioko vi tu kuatisa oku kala akundi va loñoloha. Kocita catete olondonge vimue via Yesu, via kala “omanu vaño, haivo ka va longisiwile.” Pole, va loñolohele koku kunda olondaka viwa, momo va kuama ongangu ya Yesu.—Ovil. 4:13; 1 Pet. 2:21.
2. Ovituwa vipi Yesu a lekisa kupange woku kunda?
2 Ndomo Yesu a Longisa: Yesu wa longisa lonjila yimue ya leluka okuti, omanu va kuata elomboloko. Apulilo aye lovindekaise a linga, kuenda olondaka a enda oku fetika lavio ombangulo, via vetiya omanu oku kuata onjongole yoku u yevelela. (Mat. 6:26) Eye wa lekisa ocisola komanu. (Mat. 14:14) Handi vali, wa vangula lutõi kuenda lunene, momo wa kũlĩhĩle okuti, wa tumiwa la Yehova haeye wo wĩha ekuatiso lioku tẽlisa ocikundi caco.—Luka 4:18.
3. Yehova o tu kuatisa ndati oku tẽlisa upange wetu woku kunda?
3 Yehova o tu Kuatisa: Ulongisi wetu wa Velapo wa siata oku tu pindisa lekuatiso Liondaka yaye, kuenda ocisoko caye, oco tu kunde ciwa olondaka viwa. (Isa. 54:13) Omo okuti Yehova wa tuma oku soneha olonjila Yesu a kuama poku longisa, tu pondola oku kũlĩhĩsa olonumbi viaco kuenda oku vi kuama. Yehova o tu kuatisa lespiritu sandu liaye kuenda olohongele. (Yoa. 14:26) Wa lingavo eliangiliyo liokuti, tu talavaya lakundi va loñoloha oco va tu kuatise oku loñoloha.
4. Momo lie tu kuetele esunga lioku li tenda okuti tua loñoloha koku kundila omanu olondaka viwa?
4 Tu kuete esunga lioku li tenda okuti tua loñoloha koku kunda, momo ‘oku loñoloha kuetu ku tunda ku Suku.’ (2 Va Kor. 3:5) Osimbu tu amamako oku kolela ku Yehova loku kapako aliangiliyo aye ocisola, tu ka “loñoloha, [loku] angiliyiwila ovopange osi awa.”—2 Tim. 3:17.