Otuvingangu Tuvali tu Sule

Onjila yimue yoku kuatisa kupange woku kunda Usoma koluali luosi oku eca olombanjaile. Nye tu linga nda tu kuete olombongo vitito?

Onjanja yimue Yesu wa mola ukãi ocimbumba haye ohukui okuti wa imba vombango yonembele otuvingangu tuvali tu sule. Ocisola a kuatela Yehova co vetiya okuti “kusuke waye . . . imbamo cosi a kala laco, haico eteku liaye.” (Mar. 12:41-44) Yesu poku tukula ulandu owu wa lekisa okuti ombanjaile yukãi waco ya kuata esilivilo lialua kovaso a Suku. Akristão vo kocita catete ka va simile okuti olohuasi ovio lika via kuatele ocikele coku kuatisa kupange woku kunda. Upostolo Paulu wa tukula ulandu wa va Makedonia okuti ndaño “lusuke wavo walua . . . va . . . pinga lolupili lua lua okuti . . . lavovo va eca.”—2 Va Kor. 8:1-4.

Omo liaco, ndaño tu kuete lika otuvingangu tuvali tu sule, tu sukila oku ivaluka okuti olombanjaile vitito vi pondola oku li vokiya. Olombanjaile tu eca lutima wosi vi sanjuisa Isietu wokilu ukuacali, momo “Suku o sole u eca lesanju.”—2 Va Kor. 9:7.