Ovindekaise vi Kuamiwa

Oco ku Fetikiwe Alilongiso Embimbiliya Vocasapalo Catete Kosãi Yevambi Linene

“Omanu valua vocikanjo cetu, va yongola oku kala komuenyo otembo yalua lesanju. Omo liaco, tu yongola oku kũlĩha ocisimĩlo cove catiamẽla kepulilo eli: O tava hẽ okuti eteke limue uloño woku sakula, u ka tẽla oku tu ĩha omuenyo ko pui? [Ecelela etambululo.] Kũlĩhĩsa olondaka vi sangiwa palo.” Lekisa oñoño Yutala Wondavululi 1 Yevambi Linene kuenda kũlĩhĩsili kumosi etosi li sangiwa kepulilo liatete, loku tanga ocisonehua cimue ca tukuiwa. Eca komunu orevista kuenda linga eliangiliyo lioku tiuka oco vu konomuisi epulilo li kuãimo.

Elungulo: Ocindekaise caco ci lingiwe kohongele yoku enda kupange woku kunda kosemana 6 Yevambi Linene.

Utala Wondavululi 1 Yevambi Linene

“Omanu valua tua vangula lavo, va tiamẽla ketavo limue. Pole, vakuavo va popia vati, ka va kolelele vali ketavo lalimue. Nye o sima catiamẽla ketavo? [Ecelela etambululo.] Yesu wa eca onumbi yi tu kuatisa oku kũlĩhĩsa ciwa etavo. [Tanga Luka 6:44a.] Orevista yilo yi lekisa ovina vimue vĩvi via siata oku lingiwa vetavo. Oyo, yi tambululavo epulilo eli: Anga hẽ kuli etavo limue li sesamẽla oku koleliwa?”

Despertai! Yevambi Linene

“Tu kasi oku sapela lomanu posongo yetu catiamẽla kocitangi cimue omanu va siata oku liyaka laco, okuti, ungangala. Omanu vamue va siata oku yaka oco va maleko ungangala. O sima hẽ okuti omanu vaco poku ci linga va pondola oku nena apongoloko? [Ecelela etambululo.] Kũlĩhĩsa eci Embimbiliya li popia catiamẽla koku nena epongoloko liocili kilu lieve. [Tanga Mateo 6:9, 10.] Orevista yilo yi tambulula epulilo eli: Anga oku yaka oko ku ka malako ungangala?”

Olondaka Viwa vi Tunda ku Suku!

“Tu kasi oku pasuisa omanu vokololo yilo oco tu va sapuile ondaka yimue Yembimbiliya yi va vetiya. Omanu vamue tua sapela lavo va lipula esunga lieci Suku umue ukuacisola a siatela oku ecelela ohali voluali. Ove hẽ o sima okuti ohali ya pangele onepa kocipango catete ca Suku catiamẽla koluali?” Ecelela etambululo. Noke lekisa ocipama 5 kuenda tangeli kumosi ovinimbu viatete vivali kuenda ocisonehua ca yendukila kovaso. Eca ombrochura komunu, kuenda linga eliangiliyo lioku tiuka oco vu konomuise epulilo li kuãimo li kuete evala liatekavẽlua.