Ovindekaise vi Kuamiwa

Oco ku Fetikiwe Alilongiso Embimbiliya vo Casapalo Catete Kosãi Yenyenye

“Omanu valua va siata oku likutilila olonjanja vimue. Omanu vana okuti ka va tava ku Suku va siatavo oku likutilila nda va kuete ovitangi. O tava hẽ okuti Suku o yevelela olohutililo viosi?” Ecelela etambululo. Lekisa Utala Wondavululi 1 Yenyenye, kuenda konomuisili kumosi epulilo liatete, loku tanga ocinimbu Cembimbiliya ca tukuiwa. Eca Utala Wondavululi kuenda linga esokiyo lioku tiuka oco o tambulule epulilo likuavo.

Elungulo: Ocindekaise eci ci lingiwe kohongele yupage yosemana 3 Yenyenye.

Utala Wondavululi 1 Yenyenye

“Tu kasi oku pasuisa omanu oco tu sapele lavo ohele yi tunda koku tala omanu va kasi epolõla haivo va linga ukahonga. Omanu valua va tenda ovina viaco, ndocitalukilo. Nye o sima catiamẽla kondaka yaco? [Ecelela etambululo.] Yesu wa popia hati: Ovina viwa tu vi limbukila kapako aco. [Tanga Mateo 7:17.] Utala ulo Wondavululi u lombolola ovitangi vi tunda koku tala omanu va kasi epolõla haivo va linga ukahonga. Yecavo olonumbi vi lekisa ndomo tu pondola oku yuvula ocituwa caco.”

Despertai! Yeyenye

“Omanu valua va yongola oku kala komuenyo otembo yalua. O tava hẽ okuti omanu va pondola oku kala komuenyo otembo ka yipui omo liuloño wa livokiya? [Ecelela etambululo.] Kũlĩhĩsa ohuminyo Yembimbiliya. [Tanga 1 Va Korindo 15:26.] Suku o ka tẽlisa ndati ohuminyo eyi okuti ka sukila ekuatiso liuloño ale ovina vikuavo? Momo lie tu kukila kuenda tu fila? O Despertai! yilo yi lekisa ndomo Embimbiliya li tambulula apulilo a lingiwa ndeti.”