Ovindekaise vi Kuamiwa

Oco tu Fetike Oku Longisa Omanu Embimbiliya vo Casapalo Catete Kosãi ya Kayovo

“Omanu tua siata oku sapela lavo, va kuete ovisimĩlo vialitepa viatiamẽla Kembimbiliya. Vamue va tava okuti olio Ondaka ya Suku, vakuavo va sima okuti, elivulu limue liaño. Nye ove osima catiamẽla Kembimbiliya?” Ecelela etambululo. Lekisa emẽla liasulako Liutala Wondavululi 1 ya Kayovo, kuenje kũlĩhĩsili kumosi epulilo liatete, kuenda cimue pokati kovisonehua via tukuiwa. Eca olorevista kuenda linga eliangiliyo lioku tiuka oco u kũlĩhĩse epulilo li kuãimo.

Utala Wondavululi 1 ya Kayovo

“Omanu valua va yongola oku mola esulilo liovoyaki. Ove hẽ, osima okuti ocisimĩlo cokuti eteke limue voluali ka mu ka kala vali uyaki cocili? [Ecelela etambululo.] Tala ohuminyo yi sangiwa Vembimbiliya. [Tanga Osamo 46:9.] Ovina via pita vokuenda kuyaki watete voluali kuenda noke, vi tu ĩha ekolelo liokuti, Suku o ka tẽlisa ocitumasuku eci coku malako uyaki. Orevista yilo yi lombolola ulandu waco.”

Despertai! de Fevereiro

“Tu kasi oku pasuisa vakuetu oco tu sapele eci catiamẽla kovitangi via siata pokati komanu. Ci molẽha okuti ka kuli otembo yoku tẽlisa ovina viosi. Ove hẽ, osima okuti ka tu tẽla oku ci tẽlisa omo tu kuete ovina vialua vioku linga ale omo tu kasi oku pesila otembo yalua kovina vikuavo? [Ecelela etambululo.] Valua ka va limbukile okuti Embimbiliya li tu ĩha alungulo a tu kuatisa oku talavaya ciwa lotembo. Tala ocindekaise eci. [Tanga Va Filipoi 1:10a.] Orevista yilo yi lombolola atosi akuãla a kuatisa omanu valua oku lekisa olondunge vioku talavaya ciwa lotembo.”