Ovindekaise vi Kuamiwa

Pi tu Pondola Oku Sanga Atambululo a Velapo Atiamẽla Komuenyo?

Lekisa okokanda komunu wa sanga, oco a tale osapi yaco, kuenje u sapuila hati: “Kalungi! Tu kasi oku kuatisa kupange u kasi oku lingiwa voluali luosi woku sandeka esapulo eli liwa. Okokanda aka kove.”

Nda okuti ka tua sangele omunu umue konjo, poku sia okokanda kaco tu sukila oku yuvula oku ka vaka lonjila yimue ka ya sungulukile.

Nda omunu tua sanga wa lekisa onjongole yoku sapela, pinga kokuaye oco a lombolole ocisimĩlo caye catiamẽla kapulilo a sangiwa koñoño yokokanda kaco. Yikula okokanda kaco, kuenda lekisa kokuaye olondaka vi sangiwa Kosamo 119:144, 160. U sapuila okuti vokokanda kaco mu sangiwa ulandu watiamẽla konumbi yetu yo Internet u pondola oku u kuatisa oku sanga atambululo asuapo Embimbiliya. Nda citava, lekisa kokuaye ovídeo losapi hati: “Momo Lie Ndi Lilongisila Embimbiliya?” Osimbu kua tundile konjo yaye, u lekisa apulilo atatu a sangiwa kemẽla liasulako kuenda u pulisa eli a yongola oku kũlĩhĩsa. U sapuila okuti onjanja yikuavo eci o tiukila konjo yaye o pondola oku u lekisa ndomo a sanga etambululo Embimbiliya liepulilo liaco poku kuama onumbi yetu yo jw.org. Eci o tiuka, eca etambululo poku kũlĩhisa olosapi viokuti, ALONGISO EMBIMBILIYA > APULILO A TAMBULUIWA.

Nda okuti o kasi oku eca otuikanda tuelaleko tuohongele yofeka, ecavo okokanda losapi hati: Pi tu Pondola Oku Sanga Atambululo a Velapo Atiamẽla Komuenyo? loku u sapuila hati: “Tu kasivo oku ku laleka oco ende kohongele yimue yi ka lingiwa okuti ku feti lacimue.

Utala Wondavululi 1 Yenyenye

Kesulilo liolosemana, ku ka eciwavo Utala Wondavululi wokaliye loku popia ndoco: “Tu yongolavo oku ku ĩha orevista eyi. oyo yeca etambululo kepulilo eli: Anga hẽ Suku wa ku Kapako?”

Despertai! Agosto

Kesulilo liolosemana, ku ka eciwavo o Despertai! yokaliye loku popia ndoco: “Tu yongolavo oku ku ĩha olorevista vietu viokaliye. O Despertai! eyi yeca etambululo kepulilo eli: Omanu va Pondola Ndati Oku Kuata Ombembua?”