Ovindekaise vi Kuamiwa

Oco tu Fetike Oku Longisa Omanu Embimbiliya vo Casapalo Catete Kosãi ya Mbalavipembe

“Tu kasi oku nyula omanu tu li sungue lavo oco tu va sapuile eci catiamẽla kombiali yimue yiwa. Ove hẽ o sima okuti kuli ombiali yimue yi pondola oku malako ovitangi viosi, ungangala kuenda eviho”? Ecelela etambululo. Yivaluisa omunu wa sanga poku u sapuila okuti, vohutililo Yesu a longisa kolondonge viaye, wa vi sapuila oco vi pinge okuti Usoma wa Suku wiya. Lekisa emẽla liasulako Liutala Wondavululi 1 ya Mbalavipembe, kuenje kũlĩhĩsili kumosi epulilo liatete, kuenda cimue pokati kovisonehua via tukuiwa. Eca olorevista kuenda linga eliangiliyo lioku tiuka oco u kũlĩhĩse epulilo li kuãimo.

Utala Wondavululi Mbalavipembe

“Tu kasi oku sapela lomanu vosi va li sungue letu oco tu va sapuile olondaka viatiamẽla kohutililo Yesu a longisa kolondonge viaye. [Tanga Mateo 6:9, 10.] Anga hẽ wa yevele ale eci ci lomboloka Usoma wa Suku kuenda esunga lieci Yesu a longisila omanu? [Ecelela etambululo.] Orevista yilo yi lekisa eci Embimbiliya lilombolola catiamẽla Kusoma wa Suku la sumũlũho u ka nena kovaso yoloneke palo posi.

Despertai! Mbalavipembe

“Tu kasi oku nyula omanu oco tu va kuatise oku sanga etambululo liatiamẽla kepulilo eli. [Lekisa kemẽla liatete liorevista yaco.] Anga hẽ o sima okuti omunu oco a kuata esanju osukila oku kala ohuasi? [Ecelela etambululo.] Embimbiliya lilombolola ciwa ovina via tiamẽla kovokuasi. [Tanga Luka 12:15.] Ndomo Embimbiliya li ci popia, omanu vosi va pondola oku kuata esanju komuenyo. Orevista eyi yi lombolola ovina viaco.”