Tu Mioñololi Uloño Wetu Kupange Woku Kunda—Oku Kundila Vovikanjo Violomĩlu
Esunga Lieci ci Kuetele Esilivilo: Omo okuti omanu valua va talavaya olowola vialua, onjila yimue yavelapo yoku va kundila esapulo Liusoma, oku va sandiliya kovitumãlo viavo viupange. Oku kundila vovikanjo violomĩlu, ci nena esanju lonima yiwa momo omanu vana okuti ka va sangiwa kolonjo viavo kuenda olonalavayi viaco, vi lekisa ovituwa viwa ku vana veya oku landa. Oco akundi va kuate onima yiwa, va sukila oku lavulula loku kũlĩhisa uwalo wavo kuenda ndomo va li posuisa. (2 Va Kor. 6:3) Omo liaco, mitavaso yupange woku kunda, o sukila oku kũlĩhisa nda vocikanjo colomĩlu mua siata ale oku kundiwilamo loku kũlĩha akundi va kasi oku kundilamo.