Kuatisa Omãla Vove Oku Kuata Ekolelo Lia Pama Kululiki

Ovina via lulikiwa vi sapula ulamba wa Yehova. (Osa. 19:1-4; 139:14) Pole, oluali Lueliapu lu vetiya oku tomba elongiso lia Suku liatiamẽla kono yomuenyo. (Va Rom. 1:18-25) O pondola oku teyuila ndati omãla vove oco va yuvule okuti alongiso aco ka a kala vutima wavo? Va kuatisa tunde vutila oku kolela okuti, kuli Yehova kuenda wa kapako omunu lomunu. (2 Va Kor. 10:4, 5; Va Efe. 6:16) Upa vutima wavo ovisimĩlo va siata oku longisiwa kosikola kuenda talavaya lovimalẽho vialua vi pondola oku va vetiya.​—Olosap. 20:5; Tia. 1:19.

TALA OVIDEO LOSAPI HATI: CECI AMALẼHE VAKUAVO VA POPIA​—O TAVA HẼ OKUTI KULI SUKU? NOKE KONOMUISA APULILO A KUÃIMO:

• Kuhembi upi omanu va tava catiamẽla ku Suku?

• Ovisimĩlo vipi va siata oku longisa kosikola o tangela?

• Nye ci ku vetiya oku tava okuti kuli Yehova?

• O kuatisa ndati omunu umue oku limbuka okuti Suku eye wa lulika ovina viosi?