Sanda Oku Kala Lomanu Vana va Sole Yehova

Momo lie ci kuetele esilivilo oku sanda oku kala lomanu vana va sole Yehova? Momo akamba vetu va pondola oku tu vetiya oku kuata ovituwa viwa ale ovituwa vĩvi. (Olosap. 13:20) Ndeci, vokuenda kuotembo yimue, Soma Yoasi wa linga “eci ca sunguluka kovaso a Yehova”, momo wa enda oku kala otembo yalua locitunda Yehoyada. (2 Asa. 24:2) Eci Yehoyada a fa, Yoasi wa liwekapo oku vumba Yehova omo liakamba vãvi.—2 Asa. 24:17-19.

Kocita catete K.K., upostolo Paulu wa sokisa ekongelo Liakristão ‘lonjo yimue yinene’ kuenda omanu va kasi vekongelo, wa va sokisa ‘lovikuata.’ Etu tu amamako oku kala ‘ndovikuata vi kola,’ eci tu yuvula ukamba lomunu umue ka sanjuisa Yehova, ndaño okuti ukuepata lietu ale manji umue vekongelo. (2 Tim. 2:20, 21) Omo liaco, tu sukila oku amamako oku linga ukamba lomanu vana va sole Yehova okuti, va tu kuatisa oku u vumba.

TALA OVIDEO LOSAPI HATI,YUVULA AKAMBA VÃVI KUENDA TAMBULULA APULILO A KUÃIMO:

• Tu pondola ndati oku linga ukamba lomanu vana va kuete ovituwa vĩvi, okuti pamue ka tu ci limbuka?

• Ndomo ca lekisiwa vovideo, nye ca kuatisa vamanji vatatu oku siapo ukamba ũvi?

• Olonumbi vipi Viembimbiliya vi pondola oku ku kuatisa oku nõla ciwa akamba?