EKALO LIAKRISTÃO

Ene Amalẽhe—Kali ‘Vakuambili Kovilinga Viwa’

Upostolo Paulu vukanda a sonehẽla Tito wa popia okuti, alume amalẽhe oku kongelamo Tito, va sukilile oku likolisilako oku lekisa “ongangu yovilinga viwa kovina viosi.” (Tito 2:6, 7) Noke, vocipama caco eye wa lekisa okuti afendeli va Yehova va laikele oku yelisiwa oco va lekise okuti “vakuambili kovilinga viwa.” (Tito 2:14) Amue pokati kovopange aco, oku kunda loku longisa catiamẽla Kusoma wa Suku. Nda okuti ove wumalẽhe, o pondola hẽ oku talavaya ciwa longusu yove poku kala ukundi wasokamo ale ukundi wotembo yosi?—Olosap. 20:29.

Nda o yongola oku kala ukundi wotembo yosi, linga esokiyo liwa li ku ecelela oku ci tẽlisa. (Luka 14:28-30) Ndeci, nye o pondola oku linga oco o sande eteku osimbu o talavaya ndukundi wotembo yosi? O ka tẽlisa ndati etendelo liolowola vi sukiliwa? Likutilila ku Yehova oco a ku kuatise. (Osa. 37:5) Sapela lolonjali viove catiamẽla kocimãho o kuete kuenda la vana va kasi ale kupange waco. Noke, likolisilako oku tẽlisa ocimãho cove. Yehova o ka sumũluĩsa alikolisilo wa siata oku lekisa kupange waye!

TALA OVIDEO LOSAPI HATI, OSIMBU O KASI UMÃLEHE LITUMBIKILA OVIMÃHO VI ECA ESIVAYO KU YEHOVA KUENDA TAMBULULA APULILO A KUÃIMO:

Ovitangi vipi vamue va yula oco va talavaye ndakundi votembo yosi kuenda va ci linga ndati?
Olonjali vi pondola oku kuatisa ndati omãla vavo oku kala akundi votembo yosi?
Momo lie ci kuetele esilivilo oku linga esokiyo liwa liupange woku kunda?
Tu pondola ndati oku kuatisa kuenda oku vetiya akundi votembo yosi?
Asumũluho api akundi votembo yosi va siata oku tambula?

Umãlehe umue ukãi o sapela la isiaye catiamẽla kocimãho caye coku kala ukundi wotembo yosi; umãlehe umue ulume okuti ukundi wotembo yosi o soneha ulandu waye wupange woku kunda; umãlehe umue ukãi okuti ukundi wotembo yosi o talavaya lamanji ukuavo kupange woku kunda; umãlehe umue ukundi wotembo yosi o songola elilongiso limue Liembimbiliya — Ndi pondola oku tẽlisa ndati ocimãho cange coku kala ukundi wotembo yosi?