Kuatisa Omunu o Longisa Embimbiliya Oku Yuvula Ovituwa Via Vĩha

Vana va liyelisa kovaso a Yehova ovo lika va kuete esanju lioku kuata ukamba laye. (1Pe 1:14-16) Osimbu vana va lilongisa Embimbiliya va likolisilako oku siapo ovituwa vĩvi, va pondolavo oku kuata asumũlũho vepata, oku kuata uhayele kuenda oku talavaya ciwa lovina va kuete.

Kuli esunga lioku lombolola ciwa olonumbi via Yehova, momo vi kuatisa vana va vi kapako. Kuatisa vana o longisa Embimbiliya oku pongolola ovisimĩlo viavo kuenje va ka tẽla oku linga eci Yehova a yongola. (Efs 4:22-24) Va sapuila okuti lekuatiso lia Yehova, ovo va pondola oku liwekapo oku linga ovina vĩvi va lingaile. (Flp 4:13) Va longisa oku likutilila ku Yehova eci va setekiwa oku linga ekandu. Va kuatisa oku limbuka ovina vi va vetiya oku linga ekandu. Va vetiya oku piñainya ovituwa vĩvi lovituwa viwa. Ove o ka sanjuka eci o mola omunu o longisa Embimbiliya oku linga apongoloko lekuatiso lia Yehova.

TALA OVIDEO LOSAPI, KUATISA OMUNU O LONGISA EMBIMBILIYA OKU YUVULA OVITUWA VIA VĨHA KUENDA TAMBULULA APULILO A KUÃIMO:

• 

  Akulu vekongelo kuenda Neeta va lekisa ndati ekolelo ku Jade?

• 

  Neeta wa eca ndati ekuatiso li sukiliwa ku Jade?

• 

  Jade wa sandiliya ndati ekuatiso lia Yehova?