Ove hẽ wa li Pongiya Oco o Tẽle Oku Liteyuila Kombuanja yi Lingiwa Lomanu?

Osimbu esulilo lioluali lulo li kasi ocipepi, tu lavoka oku livokiya kuombuanja, ungangala kuenda uyaki. (Esi 6:4) Tu li pongiyila ndati ovitangi vi laika oku iya kovaso yoloneke?

• Li pongiya konepa yespiritu: Nõla olonumbi Viembimbiliya, ovolandu a pamisa ekolelo liove ku Yehova, kocisoko caye kuenda a ku kuatisa oku yuvula oku litenga vuyaki. (Olo 12:5; jr kem. 125-126 ocin. 23-24) Yilo oyo otembo yoku pamisa ukamba la vamanji vekongelo.—1Pe 4:7, 8

• Li pongiya ketimba: Pongiya ocitumãlo cimue cakoka coku wunda kuenda okulia. Lingavo esokiyo lieci o ka linga nda ca sukila oku siapo onjo yove. Kũlĩhĩsa ekolombele liove lioku linga ungende, kapamo ovina vioku liteyuila ndeci ololuva, olombindi kuenda olombongo. Kũlĩha ndomo o sapela lakulu vekongelo kuenda va sapuila ndomo va pondola oku ku sanga.—Isa 32:2; Despetai! 2017.5 kem. 3-7

Vokuenda kuombuanja, amamako oku linga ovina vi ku kuatisa oku vumba Yehova ndeci, oku likutilila, oku lilongisa, loku enda enda kolohongele. (Flp 1:10) Yuvula oku ñuala ñuala kovitumãlo vikuavo, te lika nda ci sukiliwa. (Mat 10:16) Eca ku vakuene okulia kuenda ovina vikuavo o kuete.—Rom 12:13.

TALA OVIDEO LOSAPI, WA LIPONGIYILA HẼ OVILUNGA? KUENDA TAMBULULA APULILO A KUÃIMO:

• Yehova o tu kuatisa ndati vokuenda kuotembo yovilunga?

• Ovina vipi tu sukila oku linga oco tu li pongiye?

• Tu kuatisa ndati vakuetu va li pita lovilunga?