EKALO LIAKRISTÃO
Sanda Oku Kũlĩhĩsa Ovisimĩlo Via Suku
Tu yongola oku sanjuisa Yehova kovina viosi tu linga. (Olo 27:11) Oco tu ci linge, tu sukila oku nõla olonjila vi likuata lovisimĩlo viaye, ndaño ceci ka kuli ocihandeleko ci teta onimbu oco ci tu songuile. Nye ci tu kuatisa oku ci linga?
Kuata ocituwa coku tanga Embimbiliya oloneke viosi. Olonjanja viosi eci tu tanga Embimbiliya, ci kasi ndu okuti, tu kasi oku pita otembo la Yehova. Tu pondola oku kũlĩha onjila ndomo Yehova a tenda ovina poku luluvalela konjila ndomo Eye a tata afendeli vaye kuenda oku konomuisa ovolandu vomanu vana va linga ovina viwa, ale vana va linga ovina vĩvi kovaso aye. Nda tu sukila oku nõla onjila yimue, espiritu sandu li tu kuatisa oku ivaluka ovolandu awa kuenda olonumbi vi kuete esilivilo tua lilongisa Vondaka ya Suku.—Yoa 14:26.
Linga akonomuiso. Poku nõla onjila yimue, lipula ndoco: ‘Ovinimbu vipi, ale ovolandu api a sangiwa Vembimbiliya a pondola oku ndi kuatisa oku kuata elomboloko lionjila ndomo Yehova a tenda ocina cimue?’ Pinga ekuatiso ku Yehova poku likutilila kuenda linga akonomuiso valivulu a sangiwa kelimi liove, oco o kuatisiwe loku kapako olonumbi Viembimbiliya viatiamẽla kocitangi caco.—Os 25:4.
TALA OVIDEO LOSAPI, “LUPUKA LEPANDI”—LIA OKULIA KU PAMISA, NOKE TAMBULULA APULILO A KUÃIMO:
Ndomo ca lekisiwa vovideo, ovitangi vipi manji ufeko a liyaka lavio?
O talavaya ndati lovimalẽho vioku konomuisa oco vi ku kuatise oku liyaka lovitangi ndevi?
Momo lie oku sokiya otembo yoku linga akonomuiso kuenda elilongiso lio pokolika, ci tu kuatisila oku nõla onjila ya sunguluka?—Hev 5:13, 14