EKALO LIAKRISTÃO
Kolela ku Yehova Eci o Pembuiwa
Vakuakusanumula va pondola oku tu kokela evalo ketimba kuenda kovisimĩlo. Ovo va pondola oku nyõla ukamba wetu la Yehova nda tua va kuatela usumba, eci va seteka oku tateka efendelo lietu. O liteyuila ndati eci va ku pembula?
Afendeli valua va Yehova va siata oku kuata oniwa yiwa poku kolela kokuaye, eci va pembuiwa. (Osa 18:17) Ndeci, Ester wa situlula ciwa esokiyo unyãli Namana a lingile. (Est 7:1-6) Osimbu ka ci lingile, wa lekisa ekolelo liaye ku Yehova poku likandagiya oku lia. (Est 4:14-16) Yehova wa sumũlũisa ovilinga viaye kuenda wo teyuila eye kumue lomanu vaye.
Ene amalẽhe, nda vu kasi oku pembuiwa, pingi ekuatiso ku Yehova kuenda vanguli lukulu umue wa loñoloha konepa yespiritu kumue lolonjali viene catiamẽla kocitangi caco. Koleli okuti, Yehova o ka vu kuatisi ndeci a kuatisavo Ester. Nye vu sukila oku linga oco vu tẽli oku liyaka locitangi coku pembuiwa?
TALA OVIDEO LOSAPI HATI, OMUENYO WANGE WUMALẼHE—NDI LIYAKA NDATI LOCITANGI COKU PEMBUIWA? NOKE TABULULA APULILO A KUÃIMO:
Nye amalẽhe va pondola oku lilongisila kulandu wa manji Charlie la Ferin?
Nye olonjali vi lilongisila kovina manji Charlie la Ferin va lombolola viatiamẽla koku kuatisa omãla oco va tẽle oku yula ocitangi coku pembuiwa?