Talavaya Lemẽla Liatete Lio JW.ORG Kupange Wove Woku Kunda

Vonepa yemẽla liatete yonumbi yetu, mu sangiwa ovipama kuenda olovideo vi pondola oku kuatisa omanu vakuavitima via sungula okuti, Halombangiko Via Yehova. (Ovl 13:48) Lombolola atosi a sangiwa ponepa Asapulo Okaliye ale lombolola eci catiamẽla kovina omanu va kasi oku sokolola levi va kasi oku vangula.

O pondola ndati oku talavaya lonepa yemẽla liatete lio jw.org kupange woku kunda?

• Olonjanja viosi kũlĩhĩsa vonumbi yetu. Soneha loku kũlĩhĩsa ovina viokaliye via kapiwamo kuenda ndomo o pondola oku kuatisa lavio omanu va lekisa onjongole. (Oco o konomuise ovina viokaliye via kapiwa kemẽla liatete lionumbi yetu, tioka pokasapi, “Tala Ocina Cokaliye.” Oku konomuisa olonjanja viosi vonumbi yetu, ci ku kuatisa oku kũlĩha ovina viokaliye, vi ka ku kuatisa kupange woku kunda.

• Talavaya lovipama kuenda lolovideo viokaliye vi sangiwa kemẽla liatete oco o fetike ombangulo. Ovimalẽho viaco, vi tu kuatisa oku kũlĩha ovisimĩlo omanu va kuete vocikanjo.

• Lekisa komanu emẽla liatete lionumbi yetu. Lombolola atosi a velapo kuenda lekisa komunu ndomo a konomuisa vonumbi yetu.

• Tumisa o link. Omanu vamue ka va yongola oku sapela letu. Pole, ovo va lekisa onjongole yoku konomuisa vonumbi yetu. Omo liaco, ku ka kuate ohele yoku tumisa komunu wa lekisa onjongole o link yonumbi yetu yi lekisa ocipama ale ovideo yi sangiwamo.