EKALO LIAKRISTÃO
Alonjali Kuatisi Omãla Vene Oku Kuata Ukũlĩhĩso wa Suku
Yimue pokati kolonjila via velapo yolonjali oku kuatisa omãla vavo oku kuata ukũlĩhĩso wa Suku, oku va kuatisa oku upa esilivilo kolohongele Viakristão. Ovina amalẽhe va lete, va yevite kuenda atambululo va eca kolohongele, vi pondola oku va kuatisa oku lilongisa catiamẽla ku Yehova kuenda oku kala akamba vaye. (Esn 31:12, 13) Nda okuti ove wunjali, o kuatisa ndati omõlove oku upa esilivilo kolohongele?
Likolisilako oku enda enda kolohongele Vonjango Yusoma.—Os 22:22
Sokiya otembo yoku kala la vamanji Vonjango Yusoma osimbu ohongele ka ya fetikile ale noke liohongele.—Hev 10:25
Kũlĩhĩsa nda omanu vosi vepata va kuete alivulu oku lilongisa kolohongele, ci kale votelefone ale vopeka
Kuatisa omõlove oku lilongisa ndomo a eca atambululo volondaka viaye muẽle.—Mat 21:15, 16
Lombolola esilivilo liolohongele kuenda ovina wa siata oku lilongisa
Kuatisa omãla vove oku panga onepa kovopange oku yelisa Onjango Yusoma kuenda oku sapela la vamanji vakuka vekongelo
Kuatisa omãla vove oku limbuka okuti oku linga ukamba la Yehova ci sukila elikolisilo lialua kuenda olonjanja vimue ci molẽha ndu okuti ka ca lelukile. Pole, o pondola oku kolela okuti Yehova o ka ku kuatisa.—Isa 40:29.
TALA OVIDEO LOSAPI, ALONJALI, KOLELI YEHOVA KUENDA KONGUSU YAYE, NOKE TAMBULULA APULILO A KUÃIMO:
Manji Zack kuenda Leah, va kala ndati omo liekavo?
Momo lie olonjali vi sukilila oku pinga ekuatiso lia Yehova?
Volonjila vipi manji Zack kuenda Leah va kolelele ku Yehova oco a va kuatise?