Suku o ku Tata
VEMBIMBILIYA tu sangamo elungulo lia velapo li tiamisiwila kokuetu, momo olio lia tunda ku Suku. Olio helivuluko lioku tata uhayele, pole, li pondola oku tu kuatisa volonjila via litepa oco tu liyake lovitangi vi tu kokela esumuo, ovisimĩlo vi sakalaisa, evalo, ovitangi vi koka evalo viatiamẽla ketimba kuenda kovisimĩlo.
Ocina ca velapo vali ceci okuti, Embimbiliya li likuminya okuti, Ululiki wetu, Yehova Suku,a wa kũlĩha ovisimĩlo vietu kuenda ekalo lietu okuti omunu ci sule. Eye wa likapelako oku tu kuatisa oku liyaka locitangi cosi tu pita laco. Kũlĩhĩsa ovisonehua vivali Viembimbiliya vi lembeleka calua:
“Yehova o kasi ocipepi la vakuavitima via teka; eye o popela vana va sumua.”—OSAMO 34:18.
“Ame ndi Yehova Suku yove, ndi kuata eka liove liondio, Una o popia kokuove hati: ‘Ku ka kuate usumba ndu ku kuatisa.’”—ISAYA 41:13.
Yehova o tu kuatisa ndati oku liyaka locitangi cuvei wovisimĩlo? Ndomo o ka ci mola kovipama vi kuãimo, Yehova o lekisa okuti o tu tata
a Yehova, oyo onduko ya Suku. —Osamo 83:18.