Onumbi Yoku Lilongisa

Kũlĩha Ovina Vikuavo vi Kuete Esilivilo Viatiamẽla Kovituwa Via Yehova

Eci tu lilongisa Embimbiliya tu talavaya lovimalẽho vialua vioku konomuisa oco tu kuate elomboloko liwa lieci tua tanga. Pole, ka tu yongola lika oku vokiya ukũlĩhĩso wetu watiamẽla Kembimbiliya. Tu yongola oku sanga ovokuasi a kuete esilivilo atiamẽla kekalo lia Yehova, vina vi vokiya ocisola cetu kokuaye. Oco tu ci linge, tu sukila oku lipula ndoco: ‘Ocisonehua eci ci ndongisa nye catiamẽla ku Yehova?’

Ndeci, ove o pondola oku sanga ovovangi okuti Yehova o kuete ovituwa vimue ndeci, ocisola, olondunge, esunga kuenda unene. Pole, Yehova o kuete ovituwa vialua vikuavo kuenda vimue pokati kavio vi tu komõhisa calua. Oco hẽ pi o pondola oku sanga olonumbi vikuavo viatiamẽla kovituwa viaye?

Vo Indice das Publicações da Torre de Vigia, o pondola oku sanga ulala umue wa 50 kovituwa vikuavo via Yehova. Ovituwa viaco vi kasi ponepa “Yehova,” pombuelo yokasapi hati, “Lista de qualidades.” O pondolavo oku sanga ulala umuamue Velivulu Lietu Lioku Konomuisa Liolombangi Via Yehova, ponepa “Yehova Suku” pombuelo yo kasapi “Ovituwa via Yehova.”