Pi o pondola oku sanga olonumbi via koleliwa koloneke vilo?
Omo okuti oluali lu kasi oku pongoloka lonjanga, o kolela ndati okuti o ka kuata onima yiwa kolonjila o nõla? Tu kũlĩha ndati okuti ovina vi tendiwa viwa cilo, kovaso yoloneke vi ka tendiwa okuti vĩvi?
Embimbiliya li pondola oku ku kuatisa oku nõla olonjila viwa komuenyo okuti ka vi ka ku kokela oku livela. Ci tẽliwa ndati? Usovoli Wembimbiliya, eye Ululiki wetu kuenda wa kũlĩha ovina vi tu nenela esanju kuenda oku kolapo.
“Eye wa ku sapuila eci ciwa.”—Mika 6:8.
Etu tu pondola oku kolela kolonumbi vi kuete esilivilo vi sangiwa Vembimbiliya. Ovio “olonjanja viosi via koleliwa, cilo kuenda otembo ka yi pui.”—Olosamo 111:8.
Momo lie ku kũlĩhĩsila ove muẽle ndomo Embimbiliya li ku kuatisa voluali lulo lu kasi oku pongoloka?