Ndomo o Pandikisa Kekambo Liesunga

Tanga Efetikilo 37:23-28; 39:17-23 oco o ­lilongisile kulandu wa Yosefe woku pandikisa kekambo liesunga.

Kũlĩhĩsa ulandu wosi. Momo lie Yosefe a tatiwila lekambo liesunga? (Efet. 37:3-11; 39:1, 6-10) Yosefe wa pandikisa kekambo liesunga Vokuenda kuotembo yiñami? (Efet. 37:2; 41:46) Vokuenda kuotembo yaco, nye Yehova a lingila Yosefe, pole, nye Eye ka lingile?—Efet. 39:2, 21; w23.01 kem. 17 ocin. 13.

Lilongisa ondongosi. Embimbiliya ka li lombolola okuti Yosefe wa li teyuila kalundi ukãi wa Potifara o lingila. Ovisonehua vi ­kuãimo vi tu kuatisa ndati oku sokolola esunga lieci Yosefe a nõlelapo okuhã? Momo lie ka tu sukilila oku lavoka okuti ovolandu osi a kongeliwamo te a situluiwa. (Olosap. 20:2; Yoa. 21:25; Ovil. 21:37) Ovituwa vipi via kuatisa Yosefe oku pandikisa kekambo liesunga?—Mika 7:7; Luka 14:11; Tia. 1:2, 3.

Limbuka ovina wa lilongisilako. Lipula ove muẽle ndoco:

• ‘Ekambo lipi liesunga mondola oku lavoka omo lioku kala ondonge yocili ya Yesu?’ (Luka 21:12, 16, 17; Va Hev. 10:33, 34)

• Nye ndi sukila oku linga cilo oco ci ñuatise oku pandikisa kekambo liesunga? (Osa. 62:7, 8; 105:17-19; w19.07 kam. 2-7)