Pinga Kakamba Oco va ku Kuatise Oku Yula Ocitangi Culika—Ndomo Embimbiliya li Pondola Oku Kuatisa

Kunyamo 2023, vakuoloño woku sakula va limbuka okuti, ulika ocitangi cimue cuhayele ci sukila oku potoluiwa. Anga hẽ ocitangi caco ci pondola oku potoluiwa?

• Ndotolo Vivek Murthy, ukuoloño woku pelala ko Estados Unidos, wa popia hati: “Ulika kuenda onjongole yoku likalela vi kapa kohele uhayele kuenda ekalo lietu.” Eye wamisako hati: “Pole tua kũlĩha eci tu sukila oku linga.” Ndamupi? “Oloneke viosi tu sukila oku likolisilako oku pamisa ukamba wetu la vakuetu.”a

Ka tu yevi lika ulika eci tu kasi lika wetu. Omunu umue o pondola oku yeva ulika ndaño okuti o kasi pokati kowiñi. Ndaño ka tua kũlĩhĩle esunga lieci tu yevela ulika, pole Embimbiliya li pondola oku kuatisa. Olio li eca olonumbi viwa vi tu kuatisa oku pamisa ukamba la vakuetu kuenda oku yeva okuti tu soliwe.

Olonumbi Viembimbiliya vi pondola oku kuatisa

Kuata ocituwa coku sapela ciwa. Voku ci linga ka mua kongelele lika oku situlula ovisimĩlo vietu ku vakuetu pole, tu sukilavo oku va yevelela lutate. Eci o lekisa okuti wa kapako vakuene, ukamba wene u ka pamisiwa.

• Onumbi Yembimbiliya: “Ko ka sokololi lika ovina viene muẽle, pole, sokololivo ovina via vakuene.”—Va Filipoi 2:4.

Linga ukamba lomanu vakuavitunga via litepa. Linga ukamba lomanu vana okuti akulu ale amalẽhe, vakuavituwa via litepa ale vokofeka yimue iñi.

• Onumbi Yembimbiliya: “Sanjavalisi apito ovitima viene.”—2 Va Korindo 6:13.

Oco o sange ulandu u lekisa ndomo o pamisa ukamba la vakuene, tanga ocipama losapi “Satisfazer a Sede de Amizades.”