Ombembua yi Keya Ndati Kilu Lieve?

Atambululo Embimbiliya

Ombembua yina yi keya kilu lieve, ka yi ka neniwa lomanu. Oyo yi keya Lusoma wa Suku, uviali wokilu una okuti Yesu Kristu eye ombiali yaco. Kũlĩhĩsa eci Embimbiliya li longisa catiamẽla kelavoko li komõhisa tu kuete.

1. Suku ‘imũla ovita toke kasukiyo ongongo.’ Ohuminyo yaco yi ka tẽlisiwa oco a nene ’ombembua pokati komanu vana Suku a sanjukila.’—Osamo 46:9; Luka 2:⁠14.

2. Usoma wa Suku u ka viala palo posi oku upisa kilu. (Daniele 7:14) Owo u ka malako olonepele violofeka, okuti ovio via siata oku koka ovoyaki.

3. Yesu okuti eye Ombiali Yusoma wa Suku o tukuiwa hati, “Soma Yombembua” kuenda ‘ombembua a ka nena ka yi ka sulila.’—Isaya 9:6, 7.

4. Omanu vana va siata oku linga ovoyaki ka va ka taviwa oku kala vemẽhi Liusoma wokilu, momo Suku wa “suvuka u o sole ungangala.”—Osamo11:5; Olosapo 2:22.

5. Suku o longisa omanu vaye ndomo va kala vakuambembua. Poku lombolola onima yi tunda kelongiso liaco, Embimbiliya li popia ndoco: “Va tela olosipata viavo ha vi lingi atemo olosaluwa, kuenda ovonga avo ha a lingi otutana. Olofeka ka vi likatukila vali losipata, ndaño ovita ka va vi lilongisa vali.”—Isaya 2:3, 4.

Cilo muẽle, olohuluwa Violombangi Via Yehova kolonepa viosi violuali vi kasi oku longisiwa la Suku ndomo va kala vakuambembua. ‘Ava va koka ombembua va sumũlũha, momo va tukuiwa hati, omãla va Suku.’ (Mateo 5:9) Ndaño okuti tua tunda kapata aiñi aiñi, kuenda tu sanguiwa kueci ci pitahãla 230 kolofeka, tu yuvula oku yakisa vamanjetu.