Momo Lie wa Siateli Oku Kundila Omanu Vana va Kuete Ale Etavo?

Etu tua limbuka okuti, omanu vana va kuete ale etavo va sole oku vangula atosi amue Embimbiliya. Pole, tua sumbila omanu vana va kuete etavo lia litepa leli lietu, kuenda ka tu va kisika oku tava kesapulo tu va kundila.

Poku vangula ovina viatiamẽla ketavo, tu kapako elungulo Liembimbiliya lioku lekisa ‘umbombe kuenda esumbilo komanu vosi.’ (1 Petulu 3:15) Tu kũlĩha okuti, kuli omanu vamue ka va tava kesapulo lietu. (Mateo 10:14) Pole, nda ka tu sapela lomanu, ka tu kũlĩha nda va tava kesapulo tu va kundila, nda ndati. Tua kolelavo okuti ekalo liomanu li pongoloka.

Olonjanja vimue, citava okuti tu sanga omunu umue ka kuete otembo yoku sapela letu, pole o yongola oku vangula konjanja yikuavo. Pamue omanu va pita locitangi cimue ci va vetiya oku kuata onjongole kesapulo Liembimbiliya. Omo liaco, tu likolisilako oku vangula lomanu olonjanja vialua.