Anga hẽ Suku o Panga Onepa Muvatatu?

Etambululo Liembimbiliya

Atavo alua a tukuiwa okuti Akristão a longisa okuti, Suku o panga onepa Muvatatu. Pole, o Encyclopædia Britannica yi popia hati: “Ondaka Suku Muvatatu, kuenda elongiso lia tiamẽla kondaka yaco ka yi sangiwa vo Testamentu Yokaliye. . . . Pole, elongiso liaco, lia fetika oku li vokiya vokuenda kuanyamo kuenda lia enda oku patãliwa calua.”

Embimbiliya lalimue eteke lia tukuile okuti Suku o panga onepa Muvatatu. Konomuisa ovinimbu vi kuãimo:

“Yehova eye Suku yetu kuenje eye Suku lika waye.”—Esinumuĩlo 6:4.

“Ove, onduko yove Yehova, ove lika wove, Tõlo koluali luosi.”—Osamo 83:18.

“Omuenyo ko pui wowu, oku ku kũlĩha ove lika vu Suku yocili, loku kũlĩhavo Yesu Kristu, u wa tuma.”—Yoano 17:3.

“Suku umosi.”—Va Galatia 3:20.

Puãi, momo lie atavo ana a litukula okuti Akristão a popela okuti Suku o panga onepa Muvatatu?