Nye Ndi Pinga Vohutililo?

Etambululo Liembimbiliya

Ndomo ca lekisiwa Vembimbiliya, o pondola oku pinga ovina viosi vi litava locipango ca Suku. “Nda tu pinga cimue ca sungulukila ocipango [ca Suku] eye o tu yeva.” (1 Yoano 5:14) Anga hẽ citava oku tukula ovina vi ku sakalaisa? Citava. Embimbiliya li poia hati: “Peseleli ovitima viene [ku Suku].”—Osamo 62:8.

Ovina Vimue o Pondola Oku Pinga Vohutililo

• Ekolelo ku Suku.—Luka 17:5.

• Espiritu sandu ale ongusu ya pama ya Suku oco li ku kuatise oku linga eci ca sunguluka.—Luka 11:13.

• Ongusu yoku liyaka lovitangi kuenda oku pandikisa kayonjo.—Va Filipoi 4:13..

• Ombembua yo vutima.—Va Filipoi 4:6, 7.

• Olondunge vioku nõla onjila ya sunguluka.—Tiago 1:5.

• Ekuatiso kovina o sukila eteke leteke.—Mateo 6:11.

• Ongecelo yakandu.—Mateo 6:12.