Anga hẽ Cĩvi oku Imba Omapalo Yosoloti?

Etambululo Liembimbiliya

Ndaño Embimbiliya ka lipopi eci catiamẽla koku imba olomapalo viosoloti, pole, eci tu sokolola kolonumbi Viembimbiliya tu limbuka okuti kovaso a Suku oku imba olomapalo viosoloti ekandu.—Va Efeso 5:17.a

• Omapalo yoku imba o soloti, ocina cimue Suku a nyãle. (1 Va Korindo 6:9, 10; Va Efeso 5:3,5) Omunu imba omapalo yosoloti, o lavoka oku nganyala olomboko vialua okuti vakuavo sio. Pole, Embimbiliya li popia okuti oku livela ovina via vakuetu ekandu.—Etundilo 20:17; Va Roma 7:7; 13:9, 10.

• Omapalo yoku imba osoloti ndaño okuti yi sulemo, yi pondola oku tu kokela oku sola olombongo.—1 Timoteo 6:9, 10.

• Omunu wosi ukuakuimba omapalo yosoloti, wa kolela kosoloti yaco. Pole, Suku o tenda elinga liaco okuti, li panga onepa kefendelo lioviteka, lina ka li likuata lefendelo eye a yongola.—Isaya 65:11.

• Embimbiliya ka lieci ocisimĩlo coku ganyala olombongo lonjila yimue yaleluka. Olio li tu vetiya oku talavala. (Ukundi 2:24; Va Efeso 4:28) Elungulo Liembibiliya lieli okuti omanu va sukila oku “talavaya” oco va kuate eci va litekula laco.—2 Va Tesalonike 3:10, 12.

• Oku imba omapalo yosoloti, ku koka ocituwa coku livelisapo okuti ci koka ovitangi haco ci pisiwa Lembimbiliya.—Va Galatia 5:26.