Yovi
23 Yovi wa tambulula hati:
3 Nda nda kũlĩhĩle ño oku ku kasi Suku, nda hĩse!+
Nda nda enda kocitumãlo caye coku kala.+
4 Nda nda lombolola ocitangi cange kokuaye,
Loku yukisa omẽla wange lolondaka;
5 Nda nda yevelela etambululo liaye,
Loku kapako eci eye a ndi sapuila.
6 Anga hẽ eye nda wa tamãlala lame lunene waye walua?
Sio, ocili okuti eye nda wa njevelela.+
7 Oko nda ukuesunga a potoluila ovitangi leye,
Ame nda nda yovuiwa longanji yange otembo ka yi pui.
8 Pole, nda ame ngenda kutundilo, eye ka kasiko;
Kuenda nda ndi tiukila, si tẽla oku u sanga.
9 Eci eye a kasi oku talavaya kepĩli, si tẽla oku u mola;
Kuenje eye o ñualela kondio, pole, lopo siu moli.
10 Pole, eye wa kũlĩha onjila ngendela.+
Eye noke lioku ndi seteka, ndi ka kala ndulu wa fina.+
11 Olomãhi viange via kuama ciwa olongenda viaye;
Nda lava olonjila viaye okuti, sia yapukilemo.+
12 Sia silepo ocihandeleko comẽla waye.
Nda lava ciwa olonumbi viaye okuti,+ ndomo eye a ndi kisika ci sule.
13 Eci eye a nõla onjila yimue, helie u tateka?+
Eci eye a yongola oku linga cimue, eye o ci linga.+
14 Momo eye o ka tẽlisa ciwa eci ca ndi nõliwila,
Kuenda eye wa seleka ovina vialua ndevi.
15 Eli olio esunga lieci nda sakalalela mekonda liaye;
Eci ndi sokolola kokuaye, usumba wange u livokiya.
16 Suku wa ndi kokela oku sumua,
Kuenda Ukuonene Wosi wa ndi kokela oku kuata usumba.
17 Ocipala cange ca sitikiwa lowelema walua
Pole, si kamamako oku ũha.