Olosamo

Kusongui wolonjimbi. Osamo yomãla va Kora.+

47 Ene amanu vosi, panduli lovaka ene.

Eci esivayo ku Suku, kaluki lonjolela.

2 Momo Yehova Fũ o komõhisa;+

Eye Soma yinene kilu lieve liosi.+

3 Eye o kokela omanu oku tu pokola;

Eye o kapa olofeka vemẽhi liolomãhi vietu.+

4 Eye o tu nõlelako ocipiñalo cetu,+

Okuti, esanju lia Yakoba una eye a sole.+ (Sela)

5 Suku wa lamana osimbu omanu va kala oku kaluka lonjolela;

Yehova wa lamana osimbu omanu va sika ombinga.*

6 Imbili Suku ovisungo viesivayo,* imbi ovisungo viesivayo.

Imbili Soma yetu ovisungo viesivayo, imbi ovisungo viesivayo.

7 Momo Suku eye Soma kilu lieve liosi;+

Imbi ovisungo viesivayo kuenda lekisi olondunge.

8 Suku wa linga Osoma kolofeka viosi.+

Suku wa tumãla kocalo caye ci kola.

9 Asongui vomanu va liongolola

Lomanu va Suku ya Avirahama.

Momo olombiali* vio kilu lieve via tiamẽla ku Suku.

Eye wa kemãlisiwa calua.+